“ကိုယ်ချင်းစာစိတ်နဲ့သီလ”

ကိုယ်ချင်းစာစိတ်နဲ့သီလ

~~~~~~~~~~~~~~~~

ကိုယ်ချင်းစာနိုင်တာလည်း လူ့အရည်အချင်းတစ်ခုပဲ။ ငါဘယ်လောက် ကိုယ်ချင်းစာနိုင်သလဲ ဆိုတာ ကိုယ့်ကိုယ်ကို အမြဲတမ်း ပြန်မေးပါ။ “ငါအတတ်နိုင်ဆုံး ကိုယ်ချင်းစာမယ်” ဆိုတာတစ်ခုကို လက်ကိုင်ထားကြည့်ပါ။ လူတစ်ယောက်ကိုမြင်တာနဲ့ “ငါ ကိုယ်ချင်း စာတော့မယ်။ ငါ့ကို အေးအေး ဆေးဆေး လေးလေးစားစား တန်ဖိုးထားပြီးတော့ ပြောမယ်၊ ဆိုမယ်၊ ဆက်ဆံမယ်ဆိုရင် ငါကြိုက်တယ်။ ထို့အတူပဲ သူ့ကို ငါက အေးအေးဆေးဆေး ပြောမယ်။ ဒေါသနဲ့ မပြောဘူး၊ ကိုယ်ချင်းစာပြီးတော့ ပြောမယ်၊ လေးလေး စားစား ပြောမယ်” - ဆိုတဲ့ စိတ်နဲ့ ပြောကြည့်၊ ဆက်ဆံရေးဟာ အများကြီး အဆင်ပြေ လာနိုင် ပါတယ်။ ဒီဆက်ဆံရေးထဲမှာပဲ ကိုယ့်ရဲ့ စိတ်နေသဘောထား ဟာ အင်မတန် မြင့်မြတ်တဲ့ စိတ်နေသဘောထား ဖြစ်လာနိုင်တယ်။

.

ကိုယ်ချင်းစာလိုက်တာနဲ့ မြင့်မြတ်မှု ဖြစ်သွားပြီ။ ကိုယ်ချင်းစာတဲ့ စိတ်နဲ့ သူ့ကို ဆက်ဆံလိုက်တာဟာ သူ့ကို အကောင်းဆုံး လက်ဆောင်ပေးလိုက်တာပဲ။ ဒါဟာ ပစ္စည်းတစ်ခုကို ပေးတာမျိုး မဟုတ်ဘူး။ လူတစ်ယောက်ကို ပစ္စည်း တစ်ခုပေးတာနဲ့ လေးလေး စားစား ဆက်ဆံလိုက်တာနဲ့ အင်မတန်ကွာပါတယ်။ ဆက်ဆံရေးမှာ ကိုယ့်ကိုယ်ကို ပေးလိုက်တာဟာ သူ့ကိုအကောင်းဆုံး လက်ဆောင် ပေးလိုက်တာပဲ။ ဒီအချက်ကို လေးလေးနက်နက် စဉ်းစားကြည့်ပါ။ အဓိပ္ပာယ်ကို သဘောပေါက်သလား။

လူတစ်ယောက် ကို ဆက်ဆံတဲ့နေရာမှာ ကိုယ်ချင်းစာပြီး လေးလေးစားစား ဆက်ဆံလိုက်တာ မိမိကိုယ်ကို ပေးလိုက် ခြင်းပဲ။ ဒီထက်ပိုပြီး ဘာများပေးနိုင်ဦးမလဲ...၊ မပေးနိုင်တော့ဘူး။ ဘယ်လောက် မြင့်မြတ်သွားပြီလဲဆိုတာ ကြည့်ပါ။

.

ကိုယ်ချင်းစာနာတဲ့ စိတ်နဲ့ဆက်ဆံရင် အလိုအလျောက်သိလ မြဲသွားပြီး။ တချို့က သူတစ်ပါးအသက်သတ်ရင် နောက်ဘ၀မှာ ဘယ်လို ဒုက္ခရောက်မယ် ဆိုပြီး ခြောက်လှန့်ရင် ကြောက်ပြီး မလုပ်ဖြစ်တော့ဘူးလို့ ထင်ကြတယ်။ မလုပ်ဖြစ်တာတော့ ကောင်းပါတယ်။ ဒါပေမဲ့ ကိုယ့်မှာ ပြန်ပြီး ဒုက္ခရောက် မှာကို ကြောက်ပြီး မလုပ်ဖြစ်တာနဲ့ သူ့ကို ကိုယ်ချင်းစာပြီး “သူလည်း ငါ့လို သေရမှာ ကြောက်တာပဲ၊ ငါလည်းပဲ သေမှာ ကြောက်တယ်၊ ငါ့ကို ထိခိုက်အောင်လုပ်တာ ငါ မကြိုက်ဘူး၊ ဒါကြောင့် သူ့ကို ထိခိုက်အောင် မလုပ်ဘူး” ဆိုတဲ့ ကိုယ်ချင်းစာစိတ်နဲ့ မလုပ်တာက ပိုပြီး မြင့်မြတ်ပါတယ်။
ထို့အတူ တခြားသီလတွေ တစ်ခုချင်းကိုလည်း ဒီလို ကိုယ်ချင်းစာစိတ်နဲ့ စဉ်းစားကြည့်ပါ။ ကိုယ်ချင်းစာနာစိတ်တစ်ခုကို လက်ကိုင်ထားရင်ကိုပဲ အင်မတန် မြင့်မြတ်တဲ့သူ တစ်ယောက် ဖြစ်နေပါပြီ။

.

မေတ္တာ၊ ကရုဏာနဲ့ ဆက်ဆံမယ်ဆိုရင်လည်း ထို့အတူပါပဲ။ သူတစ်ပါးက ကိုယ့်ကို မေတ္တာထားတာကို သိပ်လိုချင်သလို ကိုယ်ကလည်း သူတစ်ပါးကို မေတ္တာထားပါ။ လူတိုင်းဟာ မေတ္တာကို အလိုရှိကြတယ်။ မိဘဆီက မေတ္တာကို လိုချင်တယ်။ ပတ်ဝန်းကျင်အသိုင်းအ၀ိုင်းဆီက မေတ္တာကို လိုချင်တယ်။ ပတ်ဝန်းကျင် အသိုင်းအ၀ိုင်းဆီက မေတ္တာကို လိုချင်တယ်။ မေတ္တာများများ ရရင် စိတ်ပို အေးချမ်းတယ်။ စိတ်ထဲမှာ လုံခြုံတယ်၊ စိတ်ချတယ်။ ဘေးအန္တရာယ်ကင်းတဲ့ စိတ်မျိုး ဖြစ်တာလည်း မေတ္တာနဲ့မှ ဖြစ်နိုင်တယ်။

.

ပစ္စည်းဥစ္စာရှိတဲံလူတွေက အိမ်ကို ကွန်ကရစ်နဲ့ ဆောက်မယ်၊ သံတံခါးကြီး တွေ တပ်မယ်၊ သော့ခတ်ထားမယ်၊ အိမ်ပတ်ဝန်းကျင်မှာ အုတ်တံတိုင်း အမြင့်ကြီးတွေ ခတ်ထားမယ်၊ အိမ်ထဲမှာ အစောင့်တွေထားမယ်၊ လုံခြုံပြီ လားဆိုတော့ မလုံခြုံသေးဘူး။ မလုံခြုံမှုက ရှိနေသေးတယ်။ အကယ်၍ မေတ္တာသာ ထားလိုက်မယ်ဆိုရင် အများကြီး လုံခြုံမှုဖြစ်တယ်။ ကိုယ်ကိုယ် တိုင်က တကယ်လှိုက်လှိုက်လှဲလှဲ မေတ္တာထားနိုင်ပြီဆိုရင် ကိုယ့်ကိုယ်ကို လုံခြုံမှု ဖြစ်လာတယ်။

.

ကိုယ့်ကိုယ်ကို မလုံခြုံတဲ့သဘော၊ စိတ်မချတဲ့သဘော၊ စိတ်မအေးတဲ့ သဘော ဟာ အမှန်မှာ မေတ္တာကင်းမဲ့လို့ ဖြစ်တာပဲ။ လူတွေဟာ မေတ္တာကင်းလေလေ မလုံခြုံမှုက ပိုများလေလေပဲ။ ကိုယ်ကိုယ်တိုင်က သူတစ်ပါးကို မချစ်တတ်၊ မခင်တတ်၊ မယုံကြည်တတ်တဲ့သူဟာ သူတစ်ပါးကလည်း ကိုယ့်ကို ချစ်လိမ့် မယ်၊ ခင်လိမ့်မယ်လို့ မယုံဘူး။ တကယ် လုံခြုံမှု ဆိုတာဟာ ပစ္စည်းဥစ္စာမှာ မရှိဘူး။ မေတ္တာမှာပဲ ရှိတယ်။

.

ကိုယ့်ကို လူတစ်ယောက်က လိမ်တာညာတာ ဟန်လုပ်တာ မပါဘဲနဲ့ အရိုးသားဆုံး၊ အပွင့်လင်းဆုံး ဆက်ဆံမယ်ဆိုရင် စိတ်ထဲမှာ အင်မတန် အေးချမ်းတယ်။ အဲဒါကြောင့် ရိုးရိုးသားသား ပွင့်ပွင့်လင်းလင်း ဆက်ဆံတာ ဟာ စိတ်ကို အေးချမ်းစေတယ်၊ ကျေနပ်မှု၊ ကြည်လင်မှု အများကြီး ရစေတယ်။ လူတစ်ယောက်နဲ့ စကားပြောတဲ့အခါ ငါ့ကို လိမ်နေတာလားလို့ တွေးနေရင် ဆက်ဆံရတာ အားမရှိတော့ဘူး။ ကျေနပ်မှု၊ အေးချမ်းမှု မရတော့ဘူး။ ပရိယာယ်မသုံးဘဲနဲ့ ရိုးရိုးသားသား ပွင့်ပွင့်လင်းလင်း ဆက်ဆံတာဟာ လူတစ်ယောက်ကို ကိုယ်ကပေးနိုင်တဲ့ အကောင်းဆုံးအရာ တစ်ခု ဖြစ်တယ်။ ငါ သူ့ကို အကောင်းဆုံးတစ်ခု ပေးမယ်ဆိုရင် ဘာပေးမလဲ၊ ပစ္စည်းပေးမလား၊ ရိုးသားပွင့်လင်းတဲ့ ဆက်ဆံရေးကို ပေးမှာလား စဉ်းစားသင့်တယ်။ ဒါတွေဟာ လူတွေမှာ ရှိတဲ့ အကောင်းဆုံးအရာတွေပဲ။

.

#ဆရာတော်ဦးဇောတိက

( ဘ၀ဆိုတဲ့ကျောင်း မှ အောင်မြင်သောဘ၀ )